Екі клуб та италиялық голкипердің өкілдерімен байланысып, ықтимал трансфердің шарттарын талқылаған.
AS басылымының хабарлауынша, ағылшын премьер-лигасының қос гранды – «Челси» мен «Манчестер Юнайтед» – «Пари Сен-Жермен» қақпашысы Джанлуиджи Доннарумманы қатарларына қосуға қызығушылық танытты. Екі клуб та италиялық голкипердің өкілдерімен байланысып, ықтимал трансфердің шарттарын талқылаған.
Англия клубтарының қызығушылығы «ПСЖ» Доннарумманы УЕФА Суперкубогындағы «Тоттенхэмге» қарсы ойынға қатысушылар тізіміне қоспағаннан кейін күрт артқан.
Дереккөздерге сүйенсек, 25 жастағы қақпашы мансабындағы жаңа сынаққа дайын және АПЛ-ға ауысу мүмкіндігін қарастыруда.
